我的生產記錄

琴晚同小蛋訓完話
今朝一起身去廁所就見紅了
令我十分緊張
媽媽group的朋友都叫我要先吃飽同沖涼後先好入院
有些媽媽就話冇陣痛可以唔洗咁快入院
但我見紅並不是血絲咁簡單
而家整條m巾都濕了
所以我很快地沖涼洗頭
再食左個早餐後就慢慢去搭士入院

入到醫院拿左排版就入A7產前病房了
姑娘幫我檢查是否要生了
昵個過程很唔舒服呢
仲俾姑娘串話咁妳都忍唔到點生呀
但真係好痛呀~_~

係產前病房有好多位媽媽都在待產
其中有幾位媽媽都見紅左幾日仲未生得
攪到我好擔心唔知要幾耐先生
更何況我仲未有陣痛

之前係產前病房和另一位媽媽相約散步
我地係病房走廊行來行去
都行左成個鐘
終於都覺得有輕微痛了
但都仲好輕鬆

果位媽媽老公仲買左綠豆沙俾我食
講真我一直都冇清過胎毒
昵碗綠豆沙就係我懷住小蛋食的第一碗綠豆沙XDD

係產前病房一直到傍晚才開始有少少痛
仲諗住冇咁快生
叫老公返去休息
點知最後老公趕唔切陪產T_T
諗起就唔開心呀~

半夜三更痛到我行唔到
仲有些想痾大的感覺
姑娘見我咁痛苦即幫我檢查
一檢查就話開左4度
唔怪得咁痛啦
即刻要安排我入產房
我亦都第一時間call老公了
但我一入產房10分鐘左右就生左了omg..
老公只有在走廊等等等
(提提各位就生的媽媽一定要早些叫老公入院)

第十次私家產檢-38w5d

今日正式放產假了
約左今日下午去林醫生度睇小蛋
因為上次size偏細
令我十分擔心呢

係昵個星期來
我不停地食食食
但結果也不太理想
小蛋一直都唔吸收
今次林醫生仲叫我同醫院講唔好太遲先生
佢話小蛋唔多吸收
如果太遲出世佢都會擔心

聽完林醫生咁講令我更加擔心
夜晚瞓覺前即刻同小蛋訓話
叫小蛋要乖乖早D出來
唔知點解昵一晚小蛋特別興奮呢!

第九次私家產檢-36w1d

今日懷住興奮的心情去看小蛋
點知結果是小蛋太細
不太吸收
害我擔心到死
平時我已經食很多野了
又蛋、又奶、又花膠
但佢偏偏唔吸收
我都唔知可以做咩

今日體重70.1kgs
BB體重2223g(4磅14oz) 33w2d
bb大脾骨長6.64cm 比上次長0.51cm 36w2d size
bb肚圍29.61cm 比上次大0.86cm 34w1d
bb頭頂徑8.69cm 比上次細0.03cm 35w0d <<不太明白為何頭的size反而細左
總括來講小蛋size係細size


本來還打算36週後開始清胎毒
點知醫生建議我不要
話情願小蛋吸收多D先好出世
怕我清胎毒小蛋會提早出來

所以昵2個星期我要努力食多D長胎食物
希望小蛋可以再增多磅幾2磅
加油呀~小蛋!!!

第八次私家產檢-34w1d

今日小蛋34w1d
而家2星期睇小蛋一次
見到小蛋又長大了
真係很開心
不過又有小小擔心
因為小蛋size屬於中細
輕左小小
但我自己就重左成29磅了>.<

今日體重69.5kgs
BB體重2008g(4磅7oz) 32w2d
bb大脾骨長6.13cm 比上次長0.64cm 33w5d size
bb肚圍28.75cm 比上次大2.26cm 33w6d
bb頭頂徑8.72cm 比上次大0.92cm 35w1d
總括來講小蛋size係中細size

今次林醫生話小蛋塊面開始有些肉了
還有當醫生在肚皮上照超聲波時
小蛋眼珠也跟著滾動
醫生話佢係肚裏面很悶haha
另外又再臍帶繞一圈了....
小蛋真係好鍾意玩臍帶呀~
希望佢出世時唔好再玩臍帶啦~

大肚相@PicSmile

一直以來都期待著自己當媽媽的一天
所以當我知道懷孕的那一刻
便已經決定給自己一份禮物
就是怕一輯美美的孕照留念
幸好老公很合作
叫他笑就笑
叫他不笑就不笑

在20週時已經開始在找拍攝孕照的公司
看了好幾間的作品
最後選了PicSmile
他拍攝的風格是我喜歡的style
定了32週拍照
不過28週時已經有肚紋出現了
所以最後改了30週拍照

攝影師Justin很nice、很專業
盡量把我想拍的相片都拍了
原本2小時拍攝時間
最後用了接近3小時才完成

頭飾和鞋仔自製的

↓選了這張做12R

全部相片都很滿意呢~
如果下次再懷孕我一定會再影多一輯^^

第七次私家產檢-31w1d

又一個月了
今日小蛋31w1d
上次看小蛋是11月22日
期待了4星期
提早個半鐘收工和老公一齊去看小蛋
心情真係好興奮呢

不過估唔到今次要等成個鐘先可以見醫生
唔知係咪因為肚餓
在等等期間小蛋不斷地踢我
但到我睇醫生時
佢就瞓到一隻豬咁-_-"

今日體重68.2kgs(無眼睇,又重左2.2kgs)
BB體重1539g(3磅6oz) 29w6d
bb大脾骨長5.49cm 比上次長0.9cm 30w4d size
bb肚圍26.49cm 比上次大4.59cm 31w4d
bb頭頂徑7.80cm 比上次大0.72cm 31w1d
總括來講小蛋size係中size
醫生話咁樣係最好的

今次溫泉蛋好乖
冇再玩臍帶啦
上次繞左一圈
今次再睇已經甩返了
頭仔都冇轉返上來
醫生話應該唔會轉上來了
仲話宮頸好長
應該唔會早產^0^

今次林醫生拍了一張小蛋樣俾我地
不過睇得唔太清楚
小蛋又係瞓緊覺

仲有小蛋頭髮都幾多下，真係太好啦~yeah!

第一次影大肚相

從未懷孕就一直幻想自己大肚的樣子
看到別人拍大肚相也感到很幸福
所以在我知道自己懷孕後
便一直期待這天的來臨
這是懷孕時才能有的待遇呢
告訴自己一定不要錯過

在十幾週時便開始找拍大肚相的攝影資料
有些是朋友介紹的
有些是未懷孕時看到朋友拍的
也有些是媽媽會介紹的
但看了很多間也找不到一間是自己真的喜歡的
直到看到PicSmile
他的拍攝風格就是我喜歡的
而且studio也很美
第一時間也認定了這家公司了
就如我當初拍婚照的感覺
一眼就認定了
雖然價錢比其他公司貴
相片也不多
但只要拍到自己喜歡的相片是值得的
幸好老公很配合
真的十分感恩呢~

這家攝影室並沒有提供化妝服務
所以化妝也只有自己化了
頭飾是自己DIY的
衣服也是自己準備的(幸好我一早在夏天時已買定)

以前的拍攝經驗都是個人寫真多
第一次拍大肚照真的有些不知所措
幸好攝影師的指導
真的很專業、很Nice

盡量把我想拍的style都拍了

本來是2小時的拍攝

結果差不多3小時才完成

大著肚子的我也真的有些吃力

就像做了一天瑜珈

腰骨都快伸不直了

這次拍攝這麽成功也要謝謝老公的合作

他真的完全配合了我

也全程幫我拿東西^333^

還有拍攝期間溫泉蛋也很活躍呢

不停地在肚子裏舞手舞腳:))

相片要2星期左右才能看

大家不要心急唷!

website: http://www.picsmile.com.hk 

第二次糖水測試

因為家族遺傳關係
我有妊娠糖尿的機會比別人高
所以在早期14週和中期28週都要進行糖水測試
因為測試時間也不短
所以一般都很早便要進行了
首先是先抽血
然後姑娘會給一杯超甜葡萄糖水妳飲
要在15分鐘內飲完
飲完後再等2小時叫名抽第二次血
我覺得整個過程最難受的是不準吃東西和喝水
一早肚子已經餓到不停咁打鼓了

溫泉蛋一早就不停咁踢我
可能因為我太肚餓的關係
佢在提醒我要去食野
可是我不能進食呀~
如果進食就做唔到檢查了
一直忍一直忍
忍到11點半才可離開健康院
馬上坐車會合妹妹去食lunch
真的餓扁了呢~
希望我不要有妊娠血糖
否則就辛苦了

第六次私家產檢-27w1d

上次林醫生產檢老公趕唔切來睇溫泉蛋
所以今次我特登約遲小小5:50pm睇
4:30pm提早收工
來到診所時間岩岩好
不過老公仲未趕到來
唔知點解以前產檢時總是要等成個幾鐘
而家次次去到都可以即時睇到
好驚老公又趕唔切
所以我唯有去廁所留小便，順便慢慢等佢
等佢到左再入診所
點知診所打電話俾老公問我係咪同佢一齊=_="
我老公即刻話佢去左洗手間
好在最後老公都趕得切一齊睇溫泉蛋~

今日體重66kgs
BB體重920g(2磅) 26weeks
bb心跳132
bb大脾骨長4.59cm 比上次長0.77cm 26w3d size
bb肚圍21.9cm 比上次大4.27cm 26w6d
bb頭頂徑7.08cm 28w2d

醫生話溫泉蛋係大頭妹
仲有當林醫生用超聲波照肚皮時
溫泉蛋雙眼望到實一實
真係好攪笑
而且又不停咁踢我
林醫生話佢都幾大力下
可能係裏面很悶呢~
除左大力外
佢仲玩到臍帶繞一圈
頭仔又轉埋落去
真係百厭妹
好在林醫生話冇問題的

嘻嘻~溫泉蛋悶還悶呀
妳千奇唔好咁早出世
一定要過左年先好出來呀~
仲有唔好再玩臍帶啦
再繞多一圈就麻煩了

最近肚皮開始爆紋了
夜晚瞓覺時又勁肚痕
痕到瞓唔到覺
本來約左32週影大肚相
但驚到時個肚紋爆得太勁
所以我都改早些
希望唔好爆太多紋啦>.<

產前講座

由懷孕到現在
都加入了不少奶粉商媽媽會
因為很多產前講座都是要入媽媽會才能參加的
我覺得去聽講座真係學益良多
特別對我昵位新手媽媽
很多野都係從零開始
幸好身邊認識了很多有經驗的媽媽
一路以來都教左我好多

曾參加過美贊臣、雅培和美素佳兒講座
原來大部份的奶粉商講座都會贈送很多禮物
大部份都是媽媽奶和尿片，口水巾等等
而家屋企都積滿了不少贈品呢
不過聽說是很難被抽中參加的
那麽說我也算lucky喎~^^

除了奶粉商講座外
我也盡量去聽醫院的產前講座
從而對醫院也了解不少
希望到我生產時一切也能順順利利吧

100 days left

話咁快溫泉蛋仲有100日就要出世了
時間突然過得好快呢~
而家溫泉蛋就像一個茄子咁大
衫仔、high chair、BB床都已經有了
大件野只剩BB車未買

早前洗了一小部份衫仔，昵D全部是朋友送的

朋友送的鞋仔同皂

自製的餵奶換片手冊

肚子也越來越大了，看上去像個波

3-6months肚皮進展

眨下眼溫泉蛋已經踏入6個月了
而家時間感覺得過得特別快
諗返12週之前真係渡日如年呢~
雖然現在比較穩定
但上次睇醫生時
溫泉蛋比預產期細左4日左右
幸好醫生說沒有問題
所以而家我每朝都會飲杯奶和食一隻烚蛋
希望溫泉蛋可以追返D size

Medela Freestyle 奶揼

健康院和醫院一直都鼓勵媽媽們餵母乳
在我還沒有懷孕時經常聽到其他媽媽說餵母乳是十分辛苦的
令我一直都有些害怕
但現在為了阿女
原來真的可以有很大的決心
當然餵人奶除了媽媽本身辛苦外
還要顧及很多其他因素
例如公司是否支持
有沒有地方可以給揼奶
不過我最怕的還是同事的眼光
真的仍然有很多的擔心

餵母乳真的對BB非常好
其實真係唔明點解政府成日鼓勵媽媽們餵母乳
但事實上當人聽到揼奶時
都會被反感
例如人奶好大陣味、放雪櫃會唔會整污其他食物等等
那些人真係好過份
或者他們從未為人父母
所以唔知道餵母乳是一件很偉大的事
你唔支持也不要說這些過份的說話
然道你不是飲人奶大的?
我真的希望我不要聽到這些說話

無論如何我一定會努力餵母乳
雖然唔知自己到時做唔做到
但請不要在我還沒開始時就反對
我需要大家的鼓勵呢~

早前和一班媽媽一起上網訂了這個奶揼，我要努力!!

屯門醫院產前講座

之前朋友告訴我屯醫的講座不錯
叫我如有時間就去聽聽
幸好講座的時間都是星期六
不過我長短週工作
也要隔個星期六才能去聽
今次的講座內容是產前護理
3點半開始
我和另一個媽媽3點鐘就去到了
老公就自己去洗牙
上半場開始了20分鐘就要休息10分鐘
然後就再講高血壓的影響
不過開頭真係悶到打盹
後來講入院需知我就精神了haha

20週照結構

等左咁耐終於到照結構的日子了
朋友介紹book左鄧悅翹照
12點半來到診所
等了半小時就到我了
比平時產檢快很多
期待左咁耐
只是照了15分鐘
仲要係因為溫泉蛋唔合作
先有得照耐D
一路溫泉蛋都用個背脊對住我地
醫生照唔到又好大力咁按下去
我估溫泉蛋唔多like個醫生
所以一直都背住我地
不過總算一切正常
真係感恩~
而家我可以盡情買BB野了^0^

最後確定溫泉蛋係個囡囡，我同老公都勁開心呀!!

健康院第二次產檢

上次屯門醫院睇完又轉返我去健康院
不過唔緊要啦
邊度睇都無所謂
最緊要係BB健康
健康院的姑娘又好人
我都幾鍾意去健康院

今日於原定9:45時間來到健康院
取了14號籌
我諗我下次要早些來先得啦
取完籌唔洗好耐就到我啦
首先去磅重和量血壓
然後再等叫名去聽BB心跳
政府一般產檢都是不能看BB的
只能聽聽心跳
今次溫泉蛋心跳聽起來很像狗吠聲
很有節拍呢
真的很想見下小蛋
還要等到10月頭才能見

聽完心跳後就見姑娘
我順便問了她oscar,血糖及抽血報告
姑娘說oscar係低風險1:29000
血糖都很正常
只係我是乙肝帶菌者
所以便安排了我11月聽講座

見完姑娘就去預約下次產檢時間
其實都算快
不過我要取張假紙
結果等張假紙等了我1小時15分
真的暈了....@@

第四次私家產檢-17w1d

今日book5:30pm左見dr. lam
因為10月頭就做結構檢查
好想早些見下溫泉蛋

2星期沒見溫泉蛋又長大了不少
dr. lam話溫泉蛋size適中
也符合週數大小
而且醫生說現在也算穩定了
聽了醫生這麼說也安心很多

今次醫給了我6張相
很開心呢，不過不太會看
溫泉蛋的樣子像外星人呢~haha

其實今次照的原因還有一個
就是看看溫泉蛋的性別
老公一直都想要女仔
我自己也偏愛女仔
所以在這個重要時刻真的很緊張呢
當醫生跟我們說溫泉蛋是女仔時
我們真的很開心呢~yeah!!!
It's a Girl~Girl~Girl~lalala

肚子也越來越帳了
不過我覺得是肚腩多些^^"

下巴生暗瘡

自懷孕以來就一直爆瘡
之前就是額頭生粒粒
而家就下巴生大粒瘡
生完一粒好返又生第二粒
救命呀~又唔可以搽暗瘡膏
有冇人知點樣可以消除D暗瘡呢?

昵排成日晚晚都瞓唔到覺
第二朝又要返工
真係累到死死下
可能因為瞓唔到
所以不停咁生瘡
唉...唔知要幾時先停止生瘡
超討厭呀~

第一次胎動??

不知不覺溫泉蛋已經16週了
記得剛懷孕時時間真的過得很慢很慢
每天都是膽戰心驚
可能是因為之前有過不愉快的經歷
令我覺得日子很慢

但現在感覺好很多了
不再像之前那樣經常疑心重重
每天都過得很輕鬆
十分感恩呢~!

很多媽媽說從16週~20週就會開始感受到胎動
更有些媽媽16週之前已經感覺到了
真的十分期待呢!!
不知道胎動是怎樣的呢?

上網尋找了很多關於胎動的資料
看到這幅圖片很可愛呢
BB的動作真的很多，很趣怪!!

下午在公司打文件的時候

突然感覺肚子不停地震動

就像在吹泡泡一樣

難道這是胎動嗎?

如果真的是胎動

那真是太美妙了..lalalala

現在想起也很開心呢~

屯門醫院產檢

今日又要到屯門醫院產檢
因為之前屯門醫院話我預產期係出年26/2
但私家醫生就話係出年19/2
健康院睇過私家醫生照的超聲波相
就寫左封信俾我來屯門醫院確定預產期

本來以為今日又可以見下溫泉蛋
誰知冇得睇
醫生話計我last m 預產期同私家醫生一樣
話唔洗再照
不過都有得聽下心跳

次次聽完溫泉蛋心跳都會安心些
真係好想日日見下
朋友其實俾左部胎心機我
但我一直都唔識搵心跳haha
可能要再多些週數才聽得明顯

見完醫生後
醫生說以後產檢都係去返健康院
所以我即時打返電話俾健康院約期
下次產檢要到9月尾先
咁岩又撞正私家產檢日
唯有再打電話去私家改期
而家隔2星期又可以再見溫泉蛋了
諗起都開心呀~yeah!!