回顧過去2年

眨下眼又一年了，踏入2013年，希望今年一切順順利利，懇求上天賜我兒女，家人身體健康。

過去2年實在發生太多不好的事了，2011年5月開始和老公計劃生B，很幸運地試了1 cycle便懷孕了，第一次懷孕真的令人興奮，當時和老公都好開心，老公仲特登走去買左本懷孕食譜，可惜開心的日子實在太短了，到7週時，突然看到有血絲，於是即刻去睇婦科，點知醫生話只有胎囊，仲未見BB，當時真係晴天霹靂，心情隨即跌落谷底。最後係9週幾藥流，果時聽講刮宮會傷子宮，所以選擇左塞藥，點知原來塞藥真係超級痛，痛到我係床度典來典去！

是次小產後3個月，我又再次懷孕了，當時自己根本唔知有左，因為係m期時照常來m，但一路斷斷續續，我以為係荷爾蒙失調所以去睇醫生先知！但照唔到胎，最後確診為宮外孕，仲冇左左邊輸卵管！諗返真係心痛死！點解上天咁唔公平，果D唔想生既就咁容易有，我地昵D想生既就咁困難！我真係傷透心了！

經過2次小產後，到而家我仍然未完全適懷，每次見到人地大肚，我都會心如刀刮，令我諗返之前唔開心的事，宮外孕到而家已經足足一年了，但我仍然仲未有，點解之前我咁容易懷孕，而家識左咁耐都仲未有? 我真係好擔心我要走上不育科。